भारत की संस्कृति के लिए... भाषा की उन्नति के लिए... साहित्य के प्रसार के लिए
शिव जी हीरो बनोॅ हो-62 / अच्युतानन्द चौधरी 'लाल'
Kavita Kosh से
गारी
मंडवा में गारी सुनि हँसि हँसि खाय
हँसि हँसि खय अजी चारो जमाय आय
बाप थकी गेल्हौं करी सभ्भे उपाय
खीर खाय गाभिन होल्हौं तोरोॅ तीनों माय
सुरुजबंसी रघुवंसी की छोॅ कहाय
बंसोॅ के देॅ तों ठिकानोॅ बताय
पुरखा दिलीप तोरोॅ जंगलोॅ में जाय
बेटा लेलोॅ हुनी छेलात गैया चराय
गोरोॅ राजा दशरथ गोरी तोरी माय
तोंहें कैन्हेॅ करिया भेल्हेॅ बात की छै भय
ब्रह्मण तेॅ जाती में छै ऊंचोॅ कहाय
अहिल्या बाभिन केॅ कैन्हेॅ देल्हॅे लतियाय
तोरोॅ बाप दशरथ जी बड़ी रे हरजाय
पीढ़ा पर बैठी बैठी कैनखी चलाय
