भारत की संस्कृति के लिए... भाषा की उन्नति के लिए... साहित्य के प्रसार के लिए

संदेश / अमरेन्द्र

Kavita Kosh से
यहाँ जाएँ: भ्रमण, खोज

सुन रे लेलभा, सुन-सुन-सुन
नै पढ़ले, तेॅ माथोॅ धुन ।
जे-जे इस्कूली मेॅ गेलै
आय वही सब पंडित भेलै
कभियो धरलैं पेन्सिल-खल्ली
धरलैं, तेॅ बस धरलै गुल्ली
खाय लेॅ खाली खुन-खुन-खुन
सुन रे लेलभा, सुन-सुन-सुन ।

पढ़ी-लिखी सब बाबू भेलै
हिन्दी-अंगरेजी में बोलै
कोय एस0 डी0 ओ0, कोय प्रोफेसर
कोय कलेक्टर, कोय इन्सपेक्टर
तोहें खाली पन्नी चुन
सुन रे लेलभा, सुन-सुन-सुन ।