भारत की संस्कृति के लिए... भाषा की उन्नति के लिए... साहित्य के प्रसार के लिए
सखि! कोउ मो मन आय गह्यौ री! / स्वामी सनातनदेव
Kavita Kosh से
राग तैलंग, तीन ताल 14.9.1974
सखि! कोउ मो मन आय गह्यौ री!
नयनन के मग गयो हियेमें, तबसों तही रह्यौ री॥
कहा कहों सखि! वाको टोना, ऐसौ चित्त नह्यौ<ref>बँध गया</ref> री।
करि-करि जतन हार हौं मानी, पलहुँ न कहूँ गयो री॥4॥
माखन-सी मृदिमा सखि! वाकी, अग-जग मनहुँ मह्यौ<ref>मठा</ref> री।
सुठि सिंगार मथ्यौ जब विधिना तब यह सार लह्यौ री॥2॥
तन मन प्रान भये वाही के, अपनो कछु न रह्यौ री।
रोम-रोम में रस-सो सरसै, सब कछु वही भयो री॥3॥
कछु न सुहाय भाय अब आली! खाली हिय न रह्यौ री।
कहाँ धरूँ अग-जग की माया, अब लौं बहुत सह्यौ री॥4॥
अब मैं वाकी वह मेरी सखि! निज-पर भाव बह्यौ री।
जित देखूँ प्रीतम ही दीखै, और न कछू रह्यौ री॥5॥
अद्भुत रस वाको कछु आली! ऐसो हियो भयो री।
जो कछु अबलौं रह्यौ हिये में, वाने सबहि दह्यौ री॥6॥
शब्दार्थ
<references/>
