सगरै समैया कोसिका हँसी खेलि वितेलिये / अंगिका

सगरै समैया कोसिका हँसी खेलि वितेलिये
से भादव मासे
कोसीमैया लागै छै पहाड़ से भादव मासे ।
एक ते अन्हार राती दोसर बसात घाती
सूझै नाहीं
मैया गे रेत के बहाव से सूझे नाहीं
मलरि मलरि कोसिका करै अनघोल से नदी बीचे
कोसी मैया मन डरपाय से नदी बीचे ।
फाटल नबेरिया कासिका गून पतबार से टुटि गेलै
मैया गे लागहु गोहारि से दया करू ।
गोड़ लागौ पैया पड़ौ मैया सतवंती से राखि लेहू
मैया गे हमर सोहाग से राखि लेहू ।