भारत की संस्कृति के लिए... भाषा की उन्नति के लिए... साहित्य के प्रसार के लिए
सजि-धजिकऽ बाहर ने निकलू कऽ सोलहो शृंगार / बाबा बैद्यनाथ झा
Kavita Kosh से
सजि-धजिकऽ बाहर ने निकलू कऽ सोलहो शृंगार
मोन हमर डगमग भऽ जाइए बदलैए व्यवहार
सम्हरि-सम्हरिक डेग बढ़ाबू ताकि रहल सभ लोक
सात सुरक सरगम सुनबै अछि पायलकेर झंकार
सौन्दर्यक सुरभित सरिता लेल सदति शरीर समर्पित
अहिकेँ पाबि हमर जिनगी ई भऽ सकतै साकार
जँ संकेत अहाँसँ भेटय तँ ई सरिपहुँ जानू
संग पड़ायब हम एखने प्रिय छोड़ि अपन घर-द्वार
आकर्षणकेर मंत्र अहाँ प्रिय समटि लिअऽ चुपचाप
अहीँक पाछू सभ दौड़ै अछि बिसरि सगर संसार
