भारत की संस्कृति के लिए... भाषा की उन्नति के लिए... साहित्य के प्रसार के लिए

सड़किया के बड़का योगदान / सिलसिला / रणजीत दुधु

Kavita Kosh से
यहाँ जाएँ: भ्रमण, खोज

सभे गाम सड़क के जुड़लै
होलै आना जाना आसान
सड़किया के बड़का योगदान-2

एंबुलेंस हर गाँव में आवे
जच्चा-बच्चा के घर पहुँचावे
लावे ले जाय के खातिर ही
आशा दीदी दे रहली धियान
सड़किया के बड़का योगदान।

गाँव के माल पहुँचे बाजार
न´ लुट्टे हे अब साहूकार
न´ रहलै अब को´ भी भुल्टा
बजरिया सबले हे एक समान
सड़किया के बड़का योगदान।

मुनिया पढ़के डॉक्टर बन गेल
मुनमा पढ़के मास्टर बन गेल
रास्त बन जाय के खातिर
कॉलेजवा से न´ को´ अनजान
सड़किया के बड़का योगदान।

सड़क बिजली दे देलक अंतर
गाम-शहर में न´ रहल अंतर
एतना सुविधा जे पहुँचैलक
ओकर सब करऽ पूरा गुनगान
सड़किया के बड़का योगदान।