सदस्य वार्ता:Manjeet dhondy

wo shabd ki jo tumne chheda,koi raag liye amrat ka tha,main shudh-budh shaari bhool gayi,sur-saagar main yun jhool gayi...main nipat akeli badli thi,andhiyaari si un raaton ki,tum pavan jharokhe se aaye,udd chale muje yun ghar laaye...dharti sookhi jo ab tak thi,pyasi vyakul kuchh sukpuk thi,bas wahi akela dhaam mera,bas yahin hai mitna kaam mera...kaanha ki bansi ban jab main,jamuna teere par bhatki thi,radha samjhi thi saut mujhe,bas yahi ek vikat paheli thi...tab soor ki gopi ne mujhko,samjha tha apna haath deeye,kaanha ko apne saath liye tab wahi ek nikat saheki thi...is neel bhare aakash main jab chanda bankar main thirki thi,aanchal ko liye tab ye badli aksar mujhse aa milti thi...jab dharti par mera roop sadaa ganga main dekha jaata tha,main veg prakhar si bahti thi kuchh sunti thi kuchh kahti thi...payal,bindi aur baali se jab tum mujhko bahlaate the,kangan chandan ki khusbu le ghar aate the sharmaate the,main khud par yun itraati thi titli si hoti jaati thi,tum rooth saath mere jaate the,kuchh khoye anmane ho jaate the...main shaant sarit si ho jaati,tum main hi aise kho jaati,tab tum khud ko apnaate the,bachchhe se bade ho jaate the...aur tumhe yun .. muskura dekh,main aansu sang bah uthti thi,jeevan ke keval saar ko main bas apna hi kah uthti thi... this poetry is originally created by manjeet singh dhondy...