भारत की संस्कृति के लिए... भाषा की उन्नति के लिए... साहित्य के प्रसार के लिए
सपना / अर्चना पाठक
Kavita Kosh से
नदिया के तीर मा, लीम के छैहा मा,
झूलथे सपना हो
पंछी परेवा कस, फुदुक फुदुक सपना
डोंगरी ले पांखी पसारत सपना
अमराई, बारी मा, कुकत सपना
पस्सा के फूल अइसन, चटक रंग सपना
आमा के डारी मा, मौर मौरा गे
महकावथे सपना हो
नदिया के .................
सोंध सोंध माटी के गंध असन सपना
बदरा संग बूंद मा छरियावत सपना
धरती के अंचरा कस हरियर सपना
लहलहात सोन अइसन, धान के सपना
खेत अऊ बारी मा, लीम के डारी मा
उलहथे सपना हो..........
नदिया के तीर...................
