समय एक नदी / रूप रूप प्रतिरूप / सुमन सूरो

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

सुमन सूरो » रूप रूप प्रतिरूप »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

नूनू! ई संसार छेकेॅ!
यहाँ जेकरोॅ साथ जत्तेॅ दिन रहं छै;
ओकरोॅ साथ ओत्ते दिन रहेॅ छै।

समय एक अनन्त नदी रं बहलोॅ जाय छै...
जेकरा में आदमी
खोॅड़-पतारोॅ रं भाँसलोॅ-भाँसलोॅ एक ठाँ मिलै छै
तेज धारोॅ में एक साथ बही छै
आ बीचे रस्ता में बेगरी जाय छै,
अनादि-अनन्त काल तक बेगरी जाय छै,
निर्मोही रं जेना कभी कोय बात नै होलोॅ रेॅहेॅ
कोय परिचय-पाँत नै!

समय के धारा बड़ी क्रूर होय छै
वें नै बूझै छै मोह-ममता-माया
जेना शीशा दरकै छै वहेॅ रं फाड़ी देॅ छै बीहोॅ।
फेरू आदमी बूक बान्ही केॅ
लाचार ओकरोॅ धारोॅ में बहलोॅ जाय छै
निरीह ... मौन ... चुपचाप!