भारत की संस्कृति के लिए... भाषा की उन्नति के लिए... साहित्य के प्रसार के लिए
सरकारी स्कूल / सुधीर कुमार 'प्रोग्रामर'
Kavita Kosh से
इस्कूल लाल गुलाबी छै
मैडमें जिम्मां चाभी छै
रोज पहाड़ा लिखनंे चल
कथा कहानी सीखनंे चल।
पढ़ै के घरिया आगू ताक
मिलतौ एक-रंगा पोशाक
सरकारिये किताबों मिलतै
माय-बाप के मुखरा खिलतै।
बड़की कॅ साईकिल मिललै
छोटकियों भी साथें चललै
शान से बोलै करबै फस्ट
चाहे केतनों होतै कष्ट।
