सर्व शिक्षा अभियान तेॅ चलावै छै / रामधारी सिंह 'काव्यतीर्थ'

सर्व शिक्षा अभियान तेॅ चलावै छै
सबकेॅ बढ़े के मौका दिलावै छै

अमीर-गरीब हरिजन आ आदिवासी
एक चौका में भोजन खिलावै छै

आठवाँ वर्ग तोयं सब छात्रा केॅ
बिना कीमत्हैं पुस्तक दिलवावै छै

कस्तूरबा गांधी बालिका स्कूल
हरिजन आदिवासी केॅ उठावै छै

भोजन-वसन आरो आवास-चिकित्सा
छात्रासिनी शिक्षा मुफ्तें पावै छै

‘राम’ पिछड़ा के उत्थान चाहै छै
सोभाववश ऊ नै सुगबुगावै छै।