भारत की संस्कृति के लिए... भाषा की उन्नति के लिए... साहित्य के प्रसार के लिए
सस्तो ख़ून, महांगो पाणी / वेढ़ो 'रफ़ीक़'
Kavita Kosh से
चवनि था मरी वियो आदमी
कंहिं अमानव जाइ वरिती आ
शहरनि में, नगरनि में,
ऐं इबादत गाहनि में!
चवनि था
आदमीअ जी सूरत त आदमी आहे
मगर क्रिति कारि हुन जी,
आदमख़ोर जी आहे।
बुधिजे थो
शहरनि खे को उजगरु ॻिरकाए वियो आहे
हिर शहर में शमशान घर
सोसाइटियुनि खां वधीक थी विया आहिनि
शहर बणिया आहिनि शमशान घर
कोई कंहिंजो आवाजु़ बुधे ई नथो
लफ़्ज़ भिटिकी रहिया आहिनि हिते हुते,
रोलू ढोरनि जियां
सचु चिल्लाए चिल्लाए थकिजी पियो आ,
कूड़ जो परदो फ़ाश थिये ई नथो!
हिन देश जी क़िस्मत ॾिसो
खीर जूं नदियूं सुकी वेयूं
सोन में मिलावट थी वेई
ख़ून जो अघु घटिजी वियो
महांगो थियो आ पाणी!!
