भारत की संस्कृति के लिए... भाषा की उन्नति के लिए... साहित्य के प्रसार के लिए
सहीद री फोटू / निशान्त
Kavita Kosh से
आज अेक बस मांय
ड्राइवर सांमी
सीसै माथै
भगतसिंह री फोटू टंग्योड़ी
देख’र
म्हनै बड़ो अचम्भो हुयो
फोटू माथै गुलाब रै
असली फूलां री
माळा भी लटकै ही
मन मांय सोच्यो -
लखदाद है
ड्राइवर जिस्या लोगां री भी
सरधा है
देस श्गत सहीदां मांय
फेरूं सोच्यो -
कोरो सोचणो ई काफी नीं है
स्याबासी भी देणी चाईजै
म्हैं केयो-
ड्राईवर सा’ब
आ बात तो घणी आछी कै
थे टांगी भगतसिंह री फोटू
पण आ
थे टांगी कै
थारै कीं भायलै
का कोई हो राजादेस ?
नीं सा
बियां तो आ बस राज री है
पण आ फोटू म्हारी मरजी री है
और कईयां री फोटू तो लोग
घणी लगावै
पण आं जिस्यां री कम ई लगावै
अर जे कठैई लगावै
तो टल सी हड़ै ।
