साजन केर अवन्ती सुनि कै / बघेली

बघेली लोकगीत   ♦   रचनाकार: अज्ञात

लोकगीतों की भाषा चुनें अवधी कन्नौजी कश्मीरी कुमाँऊनी खड़ी बोली गढ़वाली गुजराती गोंड छत्तीसगढी निमाड़ी पंजाबी बाँगरू बांग्ला बुन्देली ब्रजभाषा भदावरी भोजपुरी मगही मराठी माड़िया मालवी मैथिली राजस्थानी संथाली संस्कृत हरियाणवी हिन्दी हिमाचली देखें

साजन केर अवन्ती सुनि कै मोरे रउरे ए हां
मैं जिव्हिया राख्यों बिछाय।
ई गौं गौं पांव धरेउ मोरे सजना
मोरी जिव्हिया दरद ना होय
अरे साजा कहि आवा हां सजन अरे कहि आवा
या जिव्हिया जरि जाय हो साजा अरे कहि आवा
अरे अइहैं धौ कउन महिनवा हमार पिया
अइहैं धौ कउन महिनवा सु मोर पिया
अरे चारी महीना गरम रितु आई
चोलिया चुवै पसिनवा सु मोर पिया
अइहैं धौ कउन महिनवा सु मोर पिया
चारी महीना वर्षा रितु आई रे
ठाढ़े भीजउ अंगनवा सु मोर पिया
अइहैं धौ कउन महिनवा सु मोर पिया
अरे चारि महीनवा शरद रितु आई
थर थर कांपै शरिरवा सु मोर पिया
अइहैं धौ कउन महिनवा सु मोर पिया
आवइं धौ कउन महिनवा सु मोर पिया।