(माहताब महबूब जे नाले)
साजे़ दिल साणु हो पर हाइ बजाए न सघियुसि
गीतु ॻाइण थे घुरियुमि जेको सो ॻाए न सघियुसि।
वक्त जी ख़ाक वसण बाद बि ताज़ो आ ज़खम
मां हिते सिंधु सूंहारीअ खे भुलाए न सघियुसि।
हाइ उन माह मुनव्वर जो छिकींदड़ चेहिरो
दिल जी जज़्बात छुली तंहिंखे लिकाए न सघियुसि।
दास्तान खूब ॿियन जा त ॿुधाईंदो वियुसि
पंहिंजी रूइदाद अञा कंहिंखे ॿुधाए न सघियुसि।
ज़िन्दगी वक्त जे चक्कर में बसर थी वेई
मां सितारन जी बि महफ़िल खे लुटाए न सघियुसि।
हाइ अफसोस! जो साक़ी हो मिलियलु साज़िश में
मइ जी बारिश हुई त बि प्यास ॿुझाए न सघियुसि।
ॾींहं ऐं रात बराबर मूं कयो हिकु साथी!
ख़्वाबु कंहिं पिरह फुटीअ जो मां सजाए न सघियुसि।