भारत की संस्कृति के लिए... भाषा की उन्नति के लिए... साहित्य के प्रसार के लिए
सावन छै मनभावन / मुकेश कुमार यादव
Kavita Kosh से
सावन छै मनभावन।
मांटी-कादो बिछावन।
कोठी सानी।
टप-टप चुवै दिनभर पानी।
भींगलै सुखलो जलावन।
सावन छै मनभावन।
फिसिर-फिसिर बूंद गिरै।
मोती चारों ओर झरै।
हरियाली वन-वन फिरै।
लागै बड़ी सुहावन।
सावन छै मनभावन।
बुतरु बच्चा जाय छै पिछड़ी।
माय-बाप से जेनै बिछड़ी।
छपर-छपर खेल करै।
पानी कीचड़ मेल करै।
भेलै रूप लुभावन।
सावन छै मनभावन।
रिमझिम बादल
बरसै पागल
नया-नया नट-खेल करै।
दुखिया घर उखेल करै।
ऐतै जखनी साजन।
सावन छै मनभावन।
