भारत की संस्कृति के लिए... भाषा की उन्नति के लिए... साहित्य के प्रसार के लिए
साहु सुॾिकनि में, साह में सुॾिको! / अर्जुन हासिद
Kavita Kosh से
साहु सुॾिकनि में, साह में सुॾिको!
ज़िक्र पंहिंजो, किथां किथे पहुतो!
मारुई अॼु थी शाह खे ॻाए,
लफ़्ज़ हिकु हिकु वजूद जो सपनो!
शाह ऐं श्याम जिनि जे उधमनि में,
रूह तिनि जो हुजे थो माठीणो!
जे़हन ऐं फ़िक्र थो इएं भुणिके,
ॼणु चुप-चुप थो ॻाए सन्नाटो!
चीख़ मुंहिंजी या लहर सिंधूअ जी,
मां बि माण्हू उन्हीअ ई मिट्टीअ जो!
भटकी भटकियुसि थे ॻोठ पंहिंजे में,
पाण खे मूं वरी वरी थे ॾिठो!
अॼु बि हासिद ॻिराटिड़ी पाइनि,
कहिड़ी धरतीअ ते आ, ज़मानो सो!
(कला प्रकाश जे सफ़रनामे ”जे हींअड़े मंझि हुरनि“ खां मुतासर थी)
