भारत की संस्कृति के लिए... भाषा की उन्नति के लिए... साहित्य के प्रसार के लिए
सिपाही / सुधीर कुमार 'प्रोग्रामर'
Kavita Kosh से
गजब-गजब केॅ खेल खेलाबै चोर-सिपाही।
अजमाबै कि के कत्तेॅ बरजोर सिपाही।
बात-बात मेॅ धमकी, गारी बेढंगा-सन
आफिसर सॅे जादे छै मुहजोर सिपाही।
चार डेग दौड़े ते हपसै कुकुर नांकी
मुरगुनियाँ खेलै लागै कमजोर सिपाही।
कोय बैठी के औंघै कोय बीड़ी फंूकै
मतर कहीं जागै छै भोरम-भोर सिपाही।
कोय फदरै पागल नाॅकी उल्टा-सीधा
कोय मीट्ठाॅे सन बात सेॅ दै झकझोर सिपाही।
