भारत की संस्कृति के लिए... भाषा की उन्नति के लिए... साहित्य के प्रसार के लिए
लोक संगीत
कविता कोश विशेष क्यों है?
कविता कोश परिवार

सिमानाको धार र पाइतालाहरू… / केदार गुरुङ

Kavita Kosh से
यहाँ जाएँ: भ्रमण, खोज

समयको—
हातदेखि चिप्लिएर
लडिरहेछन् केही वस्तुहरू
ठाउँ खोज्नलाई कि टुक्रिनलाई
कोही सही अर्थ लाइरहेछन् कि ?
परिवर्तन भइरहेछ—
शब्द र सिद्धान्तहरूमा
कायम राख्नलाई मात्र मर्यादाको
परिणाम क्रिया र कर्ताका भुलेर
फगत अनुक्रम मिलाउनलाई लहर बटुलेर आकाङ्क्षाको।
प्रक्रिया त होस्—
कुनै नयाँ प्रतिक्रिया जन्माउनलाई
किन त्यही योजना र कार्यक्रममा
सामूहिक दृष्टिको हनन गरेर व्यक्तिगत धारणामा
समस्त समूहको समुद्रलाई बगाएर सुकाउन दिइरहनु ?
 पानी सुकेर आगो बलिरहेछ—
कहीँ कसैको घर उडेर भत्किरहेछ ।
भ्रम र भयको भुमरीमा बौलाएर भाग्नलाई
सबै आफ्नै बाटो लड्दै, उठ्दै हावामा दगुरिरहेछन्
सिमानासम्म पुग्ने दूरी कति र कस्तो छ ? पछ्याइरहेछन् ।।