सिरु ऐं धड़ / मोहन हिमथाणी

कुझु त माना थो रखे
तव्हां जो हुअणु ऐं न हुअणु
सिरनि ऐं धड़नि जे हिन दुनिया में
रोज़ केतिरा धड़ मिलनि था
हथ मिलाए जोश सां
भाकुर पाए
दिलियूं मिलियल हुजनि या न
पर मिलन्दा ज़रूर पाण में
चौयारीअ लाइ।
उते तव्हां जो ज़िकिरु निकिरन्दो
कुझु हिन तरह
‘हद दरजे जो
कमीणो माण्हू आ’।

पोइ धीरे धीरे
तव्हांजो सिरु
धड़ खां अलीॻ करे
सिरु सिरनि में
ऐं धडु धड़नि में
उछिलयो वेन्दो।