सुख र दु:ख / टी.भी. कट्टिमणि / सुमन पोखरेल

अरूको दु:खलाई आफ्नोभन्दा ठूलो
सम्झन्छ जसले
त्यसले मात्र बुझ्न सक्छ दु:खको अर्थ ।
धेरैजसो दु:खले हामीलाई यसरी हिर्काउँछन्
छोपिएर सुखजस्तै देखिन्छन् ती ।
सुखसँगै मिसिएको हुन्छ दु:ख प्राय:जसो
हावामा अत्तर मिसिएजसरी ।

बजारबाट किनिल्याउन सकिँदैन सुखलाई
खुशी ल्याए जसरी,
घरभित्रै मनग्गे पाइन्छ यो।

जब दु:खले प्रहार गर्छ हामीलाई
बाफझैँ बिस्तारैबिस्तारै उडेर जान्छ त्यो
तर सँधैभरि अशान्त रहिरहन्छ सुख ।