भारत की संस्कृति के लिए... भाषा की उन्नति के लिए... साहित्य के प्रसार के लिए
सुणो पिताजी मनै किशन भाई से न्यारा करदे / रामकिशन व्यास
Kavita Kosh से
सुणो पिताजी मनै किशन भाई से न्यारा करदे
जो कुछ घर मै चेज म्हारी अलग बांट के धरदे
न्यारे नहीं हुएंगे तो घर राड़ कसुती जागै
ईब सीर मै नहीं निभै चाहे कितना दुख हो आगै
मूस्सल तै के डर लागै जीब ऊखल के म्हां सिर दे
मन मौती और दुध बताया इनका एक सुभा से
पाटे पिछे फेर मिले ना यो कुदरत का न्या सै
न्यूके दुख देख्या जा सै टुकड़ा सब ने ईश्वर दे
कलह कलह का बासा हो सब दुनिया कहती आई
ना कोऐ ल्याता देख्या ना कोए लेगा गैल कमाई
ना चाहिये कौडी पाई मने अलग बसण नै घर दे
पिता सीर मै रहणे का मेरा आज हो लिया टाळा
“रामकिशन” न्यू कहरया सै यो ब्यास नारनौंद वाळा
वो के भाई साळा जड़ भाई की जो आप कतर दे
