भारत की संस्कृति के लिए... भाषा की उन्नति के लिए... साहित्य के प्रसार के लिए
सुराज ई लियऽ अहाँ / बुद्धिनाथ मिश्र
Kavita Kosh से
हिन्दी शब्दों के अर्थ उपलब्ध हैं। शब्द पर डबल क्लिक करें। अन्य शब्दों पर कार्य जारी है।
किछु मरल माछ सन सपना
दऽ कें तरहथ पर
ओ कहलनि हमरा सँऽ
सुराज ई लियऽ अहाँ।
किछु काँट-कूस
किछु अर्थहीन शब्दक पाथर
दऽ कहलनि हमरा सँऽ
सुराज ई लियऽ अहाँ।
ई केहन व्यूह-रचना क
नाम थिक लोकतंत्र
अभिमन्यु फँसैए आर
हसैए दुर्योधन
वासना इन्द्र केर
शिला भेलि गौतमी नारि
असहाय द्रौपदी नित्य
सहै छथि चीरहरण
भोजन क बेर पुर्जी पर
लिखि कें किछु आखर
ओ कहलनि हमरा सँ
सुराज ई लियऽ अहाँ ।
हम सूर्य उगाबय चलल रही
एहि धरती पर
सुरसा क कृपा सँ भेलहुँ
अन्हरिया केँ गुलाम
दऽ प्राण अहाँ भऽ गेलहुँ
अजायबघर क वस्तु
संभव अछि शोभित करी
कोनो सेठ क गोदाम
ओझरा कें ऊनक सभ गोला
सोझरैल हमर
ओ कहलनि हमरा सँ
सुराज ई लियऽ अहाँ।
