सोनळ पान्नो / राजू सारसर ‘राज’

बै
जुगां रा पग-सैंनाण
सइकां पै’लां रौ सिरजण।
बातां
इतियास री नीं है
फगत भणवा सारू
जूनां मारगां चालतां
उणां रै महतब रो उजास
नीं हो सकै मगसौ
सइकां पच्छै ई
राम रो आदरस पुरूसोतम सरूप
किरसन रो करमजोग
तरेता अर द्वापर रा
उतम जीवण री
सिगरेट मसालां
इण डाफाचूक संसकिरती री
राफटरोळ में
नीं है अपरासंगिक
नीं है कोरा-मोरा उपदेस
बानैं करवा पण धारण
बणनौं पड़ै
हणमंत-अरजन।