भारत की संस्कृति के लिए... भाषा की उन्नति के लिए... साहित्य के प्रसार के लिए
स्याणां-माणां लोग / निशान्त
Kavita Kosh से
बात नुंई पीढ़ी रै
भण्यै-गुण्यै लोगां री नीं करूं
जूनी पीढ़ी रै
स्याणैं-माणैं लोगां री करूं
जका सत्संगी ई होया करता
जकां रो खान-पान सादो
अर बिच्यार ऊँचा हा
बै ई बै’ग्या
‘भोगवाद’ री आंधी में
बां रो ओखौ होग्यो रैणों
कच्चै कोठां में
सूती गाभा में
ब्या‘व-सादी ई बानै
सादी दाय नीं आवै
बै बेटी सदां ई औकात
सूं ऊँची जिग्यां परणावै
और तो और बै होको छोड़’र
बीड़ी-पीणो तो चलो
कीं माड़ो कोनी
पण बै तो करजाऊ रैवण लागग्या।
