भारत की संस्कृति के लिए... भाषा की उन्नति के लिए... साहित्य के प्रसार के लिए
स्याणां लोगां सुणो / सांवर दइया
Kavita Kosh से
बै आवै
गूंगा नै टाळै
तिलक करै
पीठ थपथपावै
उणारी गूंग नै जगावै
बिड़दावै
गूंगां नै गोली रा गुण बतावै
अष्टपौर अभ्यास करावै
सात खून माफ री छूट देय र
सड़कां माथै खुला छोड़ देवै
थोड़ी ताळ पछै सुणीजै
पग-पग धमाका
दुनिया रा
स्याणा लोगां सुणो-
थांनै
अर थांरी अक्कल नै
खुणियां तांई सिलाम !
