भारत की संस्कृति के लिए... भाषा की उन्नति के लिए... साहित्य के प्रसार के लिए
स्वप्न-सुन्दरि / कालीकान्त झा ‘बूच’
Kavita Kosh से
स्वप्न सुन्दरि अहाँ जीवनक सहचरी
निन्न मे आउ अहिना घड़ी दू घड़ी
भोग भोगल जते जे बनल कल्पना,
आब भऽ गेल अछि अन्तरक अनमना
हऽम मानव अहाँ देव लोकक परी
मात्र उत्तापदायी बसंती छटा,
आब संतापदायी अषाढ़ी घटा
काट लागनि सुखायल गुलाबी छड़ी
रूप अमरित पिया कऽ अमर जे केलहुँ,
विक्ख विरहक खोआ फेर की कऽ देलहुँ?
घऽर मे जिन्दगी गऽर मरनक कड़ी
वेर वेरूक अहँक फेर अभयागतम्,
अछि सदा सर्वदा हार्दिक स्वागतम्
कप्प चाहक दुहू नैन मन तस्तरी
