भारत की संस्कृति के लिए... भाषा की उन्नति के लिए... साहित्य के प्रसार के लिए
स्वर्ग मेॅ घोॅर / राधेश्याम चौधरी
Kavita Kosh से
सातों जनम निभाय रोॅ बात करै छै।
प्यार-प्रेम मेॅ मिटै-मिटाय रोॅ बात करै छै।।
बात-बातोॅ मेॅ किरिया खाय रोॅ बात करै छै।
आँखी मेॅ बसै-बसाय रोॅ बात करै छै।।
आपनोॅ साँसों मेॅ बसाय रोॅ बात करै छै।।
स्वर्ग मेॅ घोॅर बनाय रोॅ बात करै छै।।
बढ़िया चेहरा देखी विश्वास नै करियोॅ।
आवारा हवा सेॅ प्रेम नै करियोॅ।।
खनदानों सेॅ मिललोॅ छै बलिदानी रोॅ सीख।
सीमा जोॅ प्राण भी माँगेॅ तेॅ इंकार नै करियोॅ।।
मंदिर-मस्जिद-गिरजा-गुरुद्वारा हमरै सीनी रोॅ छेकै।
बस आपस मेॅ कहियोॅ लुच्चा रोॅ बातांे पर लड़ाय नै करियै
देश समाज मेॅ सद्भावना रोॅ जोति जगाय रोॅ बात करों
स्वर्ग मेॅ एगोॅ मनोहर घोॅर बनाय रोॅ बात करोॅ।।
