सॼो ई शहर परेशान, अॼु बि कल्ह वांगुर!
चवनि था अचिणो आ तूफ़ान, अॼु बि कल्ह वांगुर!
गुलनि-फुलनि सां सजायमि दरियूं ऐं दर वेही,
तॾहिं बि घरु त आ सुनसान, अॼु बि कल्ह वांगुर!
ख़ुदा ई आहे निगहबान, अॼु बि कल्ह वांगुर!
ज़मीर सस्तो विकामे वॾनि वॾनि जो थो,
कुॾे तॾहिं थो शैतान, अॼु बि कल्ह वांगुर!
वणेव जिअं बि करियो, को बि काइदो कोन्हे,
हले थी ॾाढ जो फ़रमान, अॼु बि कल्ह वांगुर!
घुंजाए, मुंहुं थो अची, भरि में वेही महिणो ॾिए,
पराओ पंहिंजो को अहसान, अॼु बि कल्ह वांगुर!
मञूं था साॻी न रौनक़ रही इशारनि जी,
वञूं हा नांव तां कुर्बान, अॼु बि कल्ह वांगुर!
करीं थो ॻाल्हि तूं हासिद जे नेकनामीअ जी,
ॿुधूं था ह आ पशेमान, अॼु बि कल्ह वांगुर!