भारत की संस्कृति के लिए... भाषा की उन्नति के लिए... साहित्य के प्रसार के लिए
हँसावत-हँसावत रुलावल गइल बा / सुभाष पाण्डेय
Kavita Kosh से
करीं ना ठिठोली सतावल गइल बा।
हँसावत-हँसावत रुलावल गइल बा।
विदा के मुहूरत मुकर्रर के पहिले
अचके में डोली पठावल गइल बा।
अम्बर ले ऊँचा पता ना कहाँ ले
गिरावे से पहिले चढ़ावल गइल बा।
सुला के बड़ा चैन से सेज-सपने
बस्ती में काठी धरावल गइल बा।
जुलुमी कहानी लिखाहीं का पहिले
कलम से सियाही सुखावल गइल बा।
खनत सोरि सहिते इँजोरा के आशा
तमस के किसानी करावल गइल बा।
'संगीत' सँवरेला वादी सुरन से
विवादी सुरन के सटावल गइल बा।
