भारत की संस्कृति के लिए... भाषा की उन्नति के लिए... साहित्य के प्रसार के लिए
हजार वर्षको निद्रा / भूपिन
Kavita Kosh से
एउटा जीवनमा
म हजारौँ वर्ष सुतिसकेको छु
अब ब्युँझन चाहन्छु निद्राबाट
मानिसलाई कोक्रोमा हालेर
लोरी गाउँछ बुद्ध
ब्युँझाउने भनेर
बुद्धले पनि मलाई सुताएरै गएको छ
हिँड्दाहिँड्दै
सपना देख्न सिकेको छ मान्छेले
झन ईश्वरले त
निदाएरै सपना देख्न सिकाएको छ
पुस्तकका चिसा पृष्ठहरूभित्र
पुतलीहरू च्यापिएझैँ
म च्यापिएको छु
दर्शनका बोझिला किताबहरूबीचमा
र मस्त निदाएको छु जीवनभरि
ब्युँझने सपना देखेर
ब्युँझन चाहन्छु अब म
हजारौँ वर्षको गाढा निद्राबाट ।
