भारत की संस्कृति के लिए... भाषा की उन्नति के लिए... साहित्य के प्रसार के लिए
हफ्तो मिलणै वाळै दिन / मदन गोपाल लढ़ा
Kavita Kosh से
करवा चौथ अर सावणी तीज ई नीं
इक्यांतरै-दूसरै राखै बरत
बां री जोड़ायत
कदी अेक बगत जीम'र
कदी साव निगोट
बां रा टाबर ई
कठै रैवै लारै
थोक में लूंटै
बरत रो पुन्न
जिणरै परताप ई
स्क्रेप चुगणियां मजूर
धमीड़ां बिचाळै
आग उगळती रोही सूं
सोध ल्यावै रोटी-टुकड़ो।
हफ्तो मिलणै वाळै दिन
बां री गवाड़ी में
बरत नीं
उच्छब मंडै।
