हमरा चैता के मार से बचा ले सजन।
हवा छेड़खानी करऽ हे उधारे बदन॥
(1)
मनवां घायल हो गेल फूल के बान से
दर्द से उबरै के की करूं अब जतन॥
(2)
खेत में जौ, गेहूँ, तीसी, मसुरी चना।
सबके सब गदरा गेल, खेल खेलवै पवन॥
(3)
फूल के साथ भौंरा, करे अठखेली।
गंध से तर-बतर घर डगर हर चमन॥
(4)
आम के बौर मानो बनल मौर है
पेन्ह के शादी करतै रति से मदन॥
(5)
दिन में शांति न हे, रात में छटपटी,
चहुदिशि रहिया निहारे हरिन के नयन॥
(6)
आगे पीछे बढ़ल कच कमर तक बढ़ल,
भार हमरा से एते न होतो सहन॥
(7)
बिन दोंगा के न, साजन से होतै मिलन,
छौड़ा पुता कौन पाँड़े, ऐसन चलैलक चलन॥
(8)
दोंगा के ठेउक ठुकरा दा, तूंहऽ पढ़ल,
तोहरा किरिया हम्मर जो न´् दा दरसन॥