भारत की संस्कृति के लिए... भाषा की उन्नति के लिए... साहित्य के प्रसार के लिए
हमसभ विराजित छी जतऽ एहि जगहकेर बड़ नाम छै / बाबा बैद्यनाथ झा
Kavita Kosh से
हमसभ विराजित छी जतऽ एहि जगहकेर बड़ नाम छै
एतऽ काव्य-गंगा बहैत छै सभ तीर्थ तेऽ एहि ठाम छै
प्रेम-आराधक एतऽ सभ ज्ञानकेर सभ पारखी
एहिठाँ रहैछ लक्ष्मी सदा आ सरस्वतीकेर धाम छै
ई भीड़ जे उमड़ल एतऽ-जन-जागृतिक संकेत थिक
माँ-मैथिलीक सौभाग्य जे विधि भेल दहिन, ने बाम छै
मोनमे दबल जे बात हो सभ मिलि एतऽ बाहर करू
दिल खोलि गप्प कऽ ली एतऽ ई सरस लोकक नाम छै
होयत हमर सौभाग्य जँ तँ भेँट पुनि होयबे करत
नहि तँ बुझू जे आखिरी सभकेँ ई हमर प्रणाम छै
