हम मारबि नजरिया के बान / मोती बी.ए.

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

मोती बी.ए. »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

हम मारबि नजरिया के बान
हमार केहू का करी
मन पंछी भरेला उड़ान
हमार केहू का करी।

कुसुमी चुनरिया सबुज रंग चोलिया
अँखिया कजरवा लिलरवा टिकुलिया
चली अँखिया के तीरकमान
हमार केहू का करी।
हम मारबि...

बढ़ेले उखिया मकइया रहरिया
अस्थिर ना रहेले चंचल नजरिया
हम खेतवे में, गाड़बि मचान
हमार केहू का करी।
हम मारबि...

पनिया ऊपर उतराइल गगरिया
झोरे पवन झकझोरे लहरिया
हम नदिया में पँवरबि ऊतान
हमार केहू का करी।
हम मारबि...