भारत की संस्कृति के लिए... भाषा की उन्नति के लिए... साहित्य के प्रसार के लिए
हर को अॼु इन ई राइ जो आहे / एम. कमल
Kavita Kosh से
हर को अॼु इन ई राइ जो आहे।
हर सुठी ॻाल्हि हादसो आहे॥
हर मकाँ हिति वॾीअ इमारत जो।
कंहिं न कंहिं धन्धे जो अॾो आहे॥
हिक ई घर जे तमाम भातियुनि में।
तइ न थींदड़ु मुफ़ासिलो आहे॥
हिन खे कोहनि ते भी थी सुणिक पवे।
चुल्हि ते नानीअ रखियो कुनो आहे॥
वॾे उहदे ते रसन्दो सो हिक ॾींहुं।
जो चईं थो ॿिचापिड़ो आहे॥
का त कुर्सी वठी ॾियो हिन खे।
पंध ॾाढा करे थको आहे॥
सभु चई ‘आयो लालु’ बिहिजी विया।
इति अची बीठो क़ाफ़िलो आहे॥
