हर राह ज़िन्दगीअ जी बणी नागवार आ / अर्जुन ‘शाद’

हर राह ज़िन्दगीअ जी बणी नागवार आ
बस क़ाफ़िलो हलियो न आ, छांयो गुबारु आ।

गुल मिसल ज़िन्दगीअ जो बि केॾो न आ कमाल
कन्डनि जे फ़िक्र व ग़म में ई गुज़िरी बहार आ।

नाकाम इश्क़, हुस्न जूं नज़रूं फिरी वयूं
त बि छो अलाए कंहिंजो अञा इंतिज़ार आ।

पीतमि शराब - हुस्न जा पियाला भरे भरे
मुंहिंजे अखियुनि जी उञ अञा बरकरार आ।

सुखु हिक घड़ीअ में आहि, त दुख ॿीअ घड़ीअ में आहि
दुख जी घड़ीअ ते ‘शाद’ रहियो ऐतबारु आ।