हर हर थे आरसीअ में लीओ पाए मूं ॾिठो!
ॻाल्हियुनि करण जो पाण सां केॾो न शौक़ हो!
ॻोल्हियां घड़ियूं अॻियूं के, अकेलो रुली रुली,
तकड़ो खॼे थो साहु, जे वाक़िफ़ लॻे थो को!
को चंडु ऐं का वाट ॾिठल अॼु बि थी लॻे,
पाछो जो हलंदो साणु हो, सो ई लभे नथो!
कंहिं कुंड में लिकाए रखियो हो मूं पाण खे,
हैरत अथमि, उते बि अची पहुतो ज़ल्ज़लो!
हिकड़ो बि लफ़ज़ कंहिं सां कुछण ते न दिल थिए,
चवणो जो आहे, सो बि जे सोचे सघां रुॻो!
सुॾिको को गूंजंदो थो रहे शहर-शहर में,
लरिज़निथा दर-दरियूं, आ भितियुनि ते बि ओलिड़ो!
आलियुनि अखियुनि से पाण खे हासिद ॾिठुमि जॾहिं,
महसूस थियो त मूं न, मगर ॿिए थे कंहिं रुनो!