Last modified on 20 दिसम्बर 2013, at 10:03

हाँ रे, मनरा बजावे राजा कोसी मइया पार / भोजपुरी

हाँ रे, मनरा बजावे राजा कोसी मइया पार, कि धनि राजा इनरपति अगरे जुझार रे,
कि हो बिरहा बसु मोर, कि नया-नया कामिन कवन रंग होय।।१।।
हाँ रे, पलटन परे समलपुर हो, हुनी गरद निसान,
कि मारी-काटी चल लवटल हुनी गरद निसान।।२।।
हाँ रे, ढेबुआ जे लूटले, रुपइये हो कपड़ा अनमोल, कपड़ा अनमोल।
त रोइत आवेले फढाइत बाने ना ढोर नीर।।३।।
कि आगे-आगे थारु चले, पीछे दोनवार रे,
बीचवा फउदेहु बीचले फउदेहु, भइले असवार रे।।४।।
धनि बिसकरमा जी सिरिजे नयपातल, सिरिजे नयपातल,
हवलदार, सूबेदार, जिमिदार लोग हो,
दरोगवा सोभई बनूखिया हो, हुनी गरद निसान।।५।।