हाय-हाय, कहमा जलम लेल / मैथिली लोकगीत

मैथिली लोकगीत   ♦   रचनाकार: अज्ञात

लोकगीतों की भाषा चुनें अवधी कन्नौजी कश्मीरी कुमाँऊनी खड़ी बोली गढ़वाली गुजराती गोंड छत्तीसगढी निमाड़ी पंजाबी बाँगरू बांग्ला बुन्देली ब्रजभाषा भदावरी भोजपुरी मगही मराठी माड़िया मालवी मैथिली राजस्थानी संथाली संस्कृत हरियाणवी हिन्दी हिमाचली देखें

हाय-हाय, कहमा जलम लेल लाल एक सुगबा
कहमा जलम दुनू बचबे हाय?
हाय-हाय, परबत जलम लेल लाल एक सुगबा
मक्का जलम दुनू बचबे हाय।
हाय-हाय, कथिये खिअयबइ, हमे लाल एक सुगबा
कथिये खिअबइ दुनू बचबे हाय?
हाय-हाय, ओहरा ाखिअयबइ हमे लाल एक सुगबा
दुधबा पिलयबइ दुनू बचबे हाय।
हाय-हाय, कथिये पढ़ेबइ हमे लाल एक सुगबा
कथिये पढ़ेबइ दुनू बचबे हाय?
हाय-हाय, पिंजड़े पढ़ेबइ हमे लाल एक सुगबा
इसकुल पढ़ेबइ दुनू बचबे हाय।
हाय-हाय, कहाँ उड़ि जेतइ लाल एक सुगबा
कहाँ चलि जेतइ दुनू बचबे हाय?
हाय-हाय, परबत उड़ि जेतइ, लाल एक सुगबा
मक्का चलि जेतइ दुनू बचबे हाय।