हिंड्दाहिंड्दै जिन्दगी नै थाके जस्तो लाग्यो । / रवि प्राञ्जल

हिंड्दाहिंड्दै जिन्दगी नै थाके जस्तो लाग्यो ।
बाटोभरि तुवाँलोले ढाके जस्तो लाग्यो ।

जिन्दगीको यात्रा मेरो अझै बाँकी थियो,
बीचै बाट कोही आई डाके जस्तो लाग्यो ।

सम्झनाको बतासले आँसु झारी दिंदा,
कोही आई मनमा सियो राखे जस्तो लाग्यो ।

मनको बह पोख्ने कुनै ठाउँ नपाएर,
हृदयको घाउ अब पाके जस्तो लाग्यो ।

कसले छेकी दियो आज मेरो घामलाई ?
अँध्यारोमै ‘रवि’लाई जाके जस्तो लाग्यो ।