भारत की संस्कृति के लिए... भाषा की उन्नति के लिए... साहित्य के प्रसार के लिए

हिकु ख़्वाबु आ जो जाॻ खे ॻाइणु नथो छॾे / एम. कमल

Kavita Kosh से
यहाँ जाएँ: भ्रमण, खोज

हिकु ख़्वाबु आ जो जाॻ खे ॻाइणु नथो छॾे।
हिकु पूरु पंहिंजो साजु़ वॼाइणु नथो छॾे॥

दूंहीं सिकण-लुछण जी दुखाइणु नथो छॾे।
नादानु जीउ जोॻु पचाइणु नथो छॾे॥

हर हर वर्क़ पुराणा वराइणु नथो छॾे।
हुन जो ख़यालु दिल खे, सताइणु नथो छॾे॥

का उञ, को ग़मु, का ओन, को खुटिको ही छाहे नेठि?
जो चप सुकाए नेण भिॼाइणु नथो छॾे॥

क़दुर उन चरिये जो बाग़ु ॾिसूं कहिड़ो थो करे।
कंडनि सां भी जो तोड़ निभाइणु नथो छॾे॥

लखु लाट जी कमल मां हिफ़ाज़त करियां मगर।
ख़ौफ़ु, आस जो चिराग़ विसाइणु नथो छॾे॥