भारत की संस्कृति के लिए... भाषा की उन्नति के लिए... साहित्य के प्रसार के लिए
हिकु ॿियो महाभारत / श्याम जयसिंघाणी
Kavita Kosh से
मौत जे मुंहं मां
रथ जो फीथो छिकींदड़
आउं ख़ुद ई आहियां
सूर्य-पुत्र करण।
रतोछाण विच में गीता ॻाईन्दे
लाशनि गिर्द फेरा पाईन्दे
मां ई आहियां महारथी कृष्ण।
शहज़ोर तीरनि सां
शत्रुनि जा सीना छेदीन्दड़ु
आंउ गांडीवधनुष धारी, अर्जुन
चक्रव्यूह टोड़ण लाइ
हर रम्ज़ मौजूदा पल जी
स्थितीअ मां कढन्दे
मुंहिंजो अभिमन्यु सुजागु आहे
मुख़्तलिफ़ विद्याउनि जे राज़नि तरफ़।
हिकु ॿियो वेदव्यासु बणिजी
मां हिकु ॿियो महाभारतु
रचाइणु चाहीन्दुसि
कुरुखेत्रा में
सभु योद्धा-महायोद्धा आणीन्दुसि
सिवाइ युधिष्ठिर जे
सदियुनि खां दूर वियलु आहे जो
पंहिंजीअ विञायल पताका जी
खोज में।
(बिछोटियूं 1980)
