भारत की संस्कृति के लिए... भाषा की उन्नति के लिए... साहित्य के प्रसार के लिए
हे खून हमर रग में भी / उमेश बहादुरपुरी
Kavita Kosh से
हे खून हमर रग में भी समझल नञ् करऽ पानी
सबसे पहिले दोस्त हमर हम ही हिंदुस्तानी
आजाद वतन के पक्षी ही बोलऽ ही प्यार के भाषा
प्यर हमर मजहब हे, हे प्यार हमर परिभाषा
ही अप्पन मन के राजा हम हम ही राजाजानी
सबसे ....
पहरेदार अमन के ही नञ् हमरा समझऽ मुँहचोर
पहरेदार वतन के ही नञ् हमरा समझऽ कमजोर
कमजोर समझे के हमरा तूँ नञ् करिहा नादानी
होवे वतन के बदनामी ई हमरा नञ् मंजूर
नहला पर दहला मारब ई हे हम्मर दस्तूर
हम तोहरा बतला देही अंदाज हमर तूफानी
