भारत की संस्कृति के लिए... भाषा की उन्नति के लिए... साहित्य के प्रसार के लिए
होतियै हुलास / कस्तूरी झा 'कोकिल'
Kavita Kosh से
तोरा बिना रही रही
लोर चूयै छै।
कहियो नै हँसी खुशी
भोर हुयै छै।
चिड़ा चिड़ी मिली जुली
गावै छै गीत।
तोरा बिना कहाँ कोय?
हमरा छै मीत।
जोड़ा-जोड़ी मिली केॅ
घूमै बाजार।
तोरा बिना हमरा लेल
सूना संसार।
फागुन मेॅ रात दिन
गमकौवा बयार।
तोरा बिना मारै छै
हमरा कटार।
पता ठिकानोॅ जोॅ
तोरऽ मिली जैतियै।
पैरोॅ मेॅ हाथोॅ मेॅ
पाँख लागी जैतियै।
उड़ी मिली यैतियै जी
होतियै हुलास।
कानबऽ घुटी जैतियै हे
मधुर-मधुर हास।
30/03/16 रात्रि आठ चालीस
