भारत की संस्कृति के लिए... भाषा की उन्नति के लिए... साहित्य के प्रसार के लिए
होलई गईं जरि मरि / बोली बानी / जगदीश पीयूष
Kavita Kosh से
होलई गईं जरि मरि
लाई लूसी गै बिसरि
जड़ऊ भागें छोड़ छाड़ि के रजाई मोरे राम
देखा देखा गर्मी माई कै अवाई मोरे राम
कतव रंग और अबीर
बोलैं अरऽरा कबीर
छनै बाबा औ पतोहू कै मिठाई मोरे राम
देखा देखा गर्मी माई कै अवाई मोरे राम
चढ़ै माई जी का तूल
मलिया गावे लइके फूल
होय मौनी के अखाड़ा म ओझाई मोरे राम
देखा देखा गर्मी माई कै अवाई मोरे राम
गवने जाय लागीं वे
बोली पांव लागीं वे
लेबै लवटि के तोहसे मलाई मोरे राम
देखा देखा गर्मी माई कै अवाई मोरे राम
