भारत की संस्कृति के लिए... भाषा की उन्नति के लिए... साहित्य के प्रसार के लिए
होली / कैलाश झा ‘किंकर’
Kavita Kosh से
रंगाबऽ धोती-कुर्ता केश।
कि होली लेलऽ छौं संदेश॥
घर में भौजी भिंगल जाय
कि अंगिया-साड़ी भिंगल जाय
मगन मन मोहन लाले-लाल
कि फगुआ-फगुआ सौंसे देश।
इलेक्शन फगुआ बनलऽ जाय
सगा पर बन्दूक तनलऽ जाय
रंगऽ में प्रेम-रंग अनमोल
मिटाबऽ एकरा सँ हर द्वेष।
सुधारऽ काका अप्पन चाल
न खींचऽ जात-धरम के खाल
सिनेहिया व्यर्थे मारल जाय
मिटाबऽ राग-रंग सँ क्लेश।
कि कौआ नेने जाय छौं कान
गगन नै देखऽ अप्पन कान
दबारऽ घर सँ भ्रम के भूत
भटकल जीवन के राह शेष।
