भारत की संस्कृति के लिए... भाषा की उन्नति के लिए... साहित्य के प्रसार के लिए
होश तेॅ कम्मे जोश अधिक छै / कैलाश झा ‘किंकर’
Kavita Kosh से
होश तेॅ कम्मे जोश अधिक छै।
हमरे सब मेॅ दोष अधिक छै।।
कथी लेॅ नेता जी केॅ कहबै,
जनता ही मदहोश अधिक छै।
अप्पन जाति केॅ कुर्सी मिललै,
चिन्ता नै संतोष अधिक छै।
कछुआ जैसन छै विकास दर,
हारै अब खरगोश अधिक छै।
प्रेम भाव तेॅ मोरंग गेलै,
सबकेॅ सब पर रोष अधिक छै।
गाल बजाबै चौक-चौक पर,
जीतै कम जयघोष अधिक छै।
