हो रे, नदिया के तीरे-तीरे गे बोअलीं में मूंगिया,
हाँ हाँ रे, से हो मूंगिया फरेला रे घवदिया, आहो रामा, से हो रे मूंगिया।
हाँ हाँ रे, हो रे मूंगिया फरेला रे घवदिया, से हो रे मूंगिया।।१।।
हो हो रे, खोंइछा भर लोढ़लीं, फंफर भर लोढ़लीं,
हाँ हाँ रे, आई गइले मूंगि-रखवरवा, हाँ हाँ रे रामा, आई हो गइले।।२।।
हो हो रे, खोंइछा भर छीनलें, फांफर भर रे छीनलें,
हाँ हाँ रे रामा, छीनिए लिहलें,
हाँ हाँ रे रामा, छीनि रे लिहलें संचली बेदनवा, हाँ हाँ रे रामा, छीनिए।।३।।
हाँ हाँ रे, दस त तरुनियाँ चइत घाट गावे, हाँ हाँ रे रामा, गाई ए गाई
हाँ हाँ रे, गाई-गाई सखिया रे बुझवलें, हाँ हाँ रे रामा, गाई रे गाई।।४।।