भारत की संस्कृति के लिए... भाषा की उन्नति के लिए... साहित्य के प्रसार के लिए
हो हो रे, फुला लोढ़े गइलो रे / भोजपुरी
Kavita Kosh से
हो हो रे, फुला लोढ़े गइलो रे, होरे ओही फुलवरिया,
हो हो रे, गरि गइलें बेलरस काँटवा, आहो रामा गरि रे गइलें।।१।।
होहो रे रामा, केही मोरे अँगुरी के काँटवा रे निकरिहें
आहो रामा, केही मोरे हरिहें रे दरदिया, आहो राम केही मोरे।।२।।
हो हो रे, देवरा मोरे अँगुरी के काँटवा रे निकरिहें,
आहो रामा, सइयाँ ए मोरा,
हाँ हाँ रे, सइयाँ मोरा हरिहें रे दरदिया, आहो रामा सइयाँ मोरे।।३।।
हो हो रे, दस त तरुनिया चइत घाट गावे,
हाँ हाँ रे, रामा, गाई रे गाई,
हो हो रे, गाई-गाई सखिया रे बुझवले, आहो रामा, गाई रे गाई।।४।।
